Sermip sisoortup pinngortarnera
Aaku assit pingasut sermip sisoortup pinngorneranik takutitsisut. Immikkoortumi uani tulliinilu sermip qanoq sisoortarnera, aammalu sermip sisoortup oqimaaqatigiissunerata qanoq isumaqarnera misissornerussavagut.
Copyright GEUS
Annertuumik sumiiffinni nillertumi aasap ingerlanerani aanngitsoortunut ukiuunerani apineruneratigut sermeq sisoortoq pinngortarpoq. Ukiut tulleriiaarneranni apusineq alliartuinnartarpoq, ukiup siuliani apisimaffianut aput nutaaq qalliisarmat.
Copyright GEUS
Sermeq sisoortoq alliartortillugu aput ima eqiterunneqartigilersarpoq serminnguuttarluni. Sermeq arriitsumik sisooriartulersarpoq. Piffissap ilaani sermip nuua ima appasissumiilersimatigisarpoq aasakkut kissarneratigut sermeq aakkiartornerulersinnaalluni.
Copyright GEUS
Sermip sisoortup nuua piffissap ilaani ima appasitsigilersarpoq sermip sisoornini malillugu sukkatigisumik aalersarluni. Silap pissusaa allanngunngippat sermip sisoortup nuua nutaamik sermiliorfiginermisulli sukkatigisumik aalersarpoq, taamaattumillu ilusaa allanngorneq ajorluni. Sermeq sisoortoq oqimaaqatigiissuulersartoq oqartoqartarpoq.