Sermersuup sinaa
Sermersuup sinaa assigiinngitsupilussuarnik isikkoqarsinnaavoq. Ukiup annersaani aputeqarpoq, aasakkulli aakkaangat sermip sisoortup sermitaa takuneqarsinnaalersarpoq. Qanoq isikkoqarsinnaaneranut aaku assersuutit.
© GEUS
Sermersuup sinaata qanoq isikkoqarsinnaaneranut assersuut.
Sumiiffiit ilaanni sermeq taamaallaat nunap qaanut sisuuginnartuuvoq, soorlu Avannaani maani. Killinga tikingajavillu sermeq apummik qalligaavoq. Sermip aannerata ernganik sinaa taseeraqartiterpoq.
© GEUS
Kalaallit Nunaanni sermersuup iigaa.
Sumiiffinni allani sermersuaq iigartalittut killeqaannartarpoq. Sermermit iminngorluni aattoq sermip iluatigut kuussuanngorsinnaavoq, soorlu uani kuussuaq qorlortuliorluni. Sermip sioraaniipput kuussuit sermip aanneranit iminngortumit pinngortitat.
© GEUS
Sermersuup killingata qanittuani sermip qaavata qanoq isikkoqarsinnaaneranut assersuut.
Killingata eqqaa atuarlugu sumiiffiit ilaanni sermip qaava qernertuinnangajaasinnaavoq. Qaavani pujoralaat katersuuttarmata taama isikkoqarpoq. Aamma sermip qaani tatsit kuussuillu qanoq pinngortarneri takusinnaavatit.