Immap naqqani kiliffaat
Aana kiliffaap immikkap assinga. Sermersuaqarfiup nalaani kingullermi Europap Avannaani nagguaatsumut assingusutut uumasorujussuusimavoq. Ukiut tamaasa Nordsøp naqqanit kiliffaat saanikorpassuinik aalisartut qaqitsisarput. Kiliffaalli immap naqqani uumasimappat, imaluunniit tamaani ipiorarsimappat? Suneri paasiniakkit, Nunallu Avannarliit Atlantisianit assit ataaniittut takukkit.
Sermersuaqarfiup nalaani kingullermi immap inissisimaffia
120.000-init ukiunut 12.000-inut pisumi ullumikkumut naleqqiullugu nunami sermeq annertunipilussuuvoq. Nunap qaani sermeq ima annertutigisoq toqqorsimatiterpoq imaq ullumikkumut naleqqiullugu 120 m-it tikillugit appasinnerulluni. Sermersuaqarfiup nalaani kingullermi immap inissisimaffiata appasissup nassataraa ullumikkut immap naqqata inissisimaffiani sumiiffiit ilaat nunaalluni.
Doggerland, Nunat Avannarliit Atlantisiat
Sermersuaqarfiup nalaani sumiiffiit ilaat nunaasoq, ullumikkullu imaasoq tassaavoq Doggerlanditut taagugarput. Nunap assingani assinilu qanoq isikkoqarsimaneranik takorluuinerit takusinnaavatit.
Doggerland tassaavoq kiliffannut, tuttunut nunamilu uumasunut allanut ivigartorfiuvoq, immaqalu neandertalerinut piniartarfiulluni. Tamaani uumasorpassuit ipput toqorartarlutillu, taamaattumillu tamaani saanikut nassaassaapput. Sermersuaqarfiit nalaasa akornat aallartimmat sermerlu aalermat Doggerland qarsunneqarpoq, ullumikkullu Nordsøp imaata naqqaraa.
