Sermeq pillugu Ilinniarfimmut tikilluari

Qupperneq meeqqat atuarfianni klassinut 6.-10.-nut saaffiginnippoq, sananeqaataalu geografiimi imaluunniit pinngortitaq/teknikkimi ilinniartitsinermik ingerlassatut aaqqissuussaavoq.

Silap pissusaata allanngornerisa sermit sisoortunut, sermersuartanut sermersuarmullu sunniutai, aammalu tamatuma immap inissisimaffigisaanut qanoq pingaaruteqarneri pillugit atuartut ilinniagaqarsinnaapput. Tunngaviusutut ingerlassassatut ilusilersorneqaropq, taamaalillutik sermeq silallu pissusaata allanngornerinik oqaluuserinnikkaangatta tunngaviusutut oqaaserisartakkat atuartut ilinniassammatigit. Kingornatigut ilinniartitsisoq nammineq sammisat itisiligassat ilanngussassallunniit ilinniartitsissutigisinnaavai. Quppernermi matumani linkinik katersat takukkit.

Sammisat makku oqaluuserineqarput:

Nunami sermeq: Sermit sisoortut, sermersuartat sermersuarlu, sumilu nassaassaaneri pillugit tunngaviusumik.

Pinngorneri qanorlu iliortarneri: Sermit sisoortut qanoq pinngortarneri qanorlu iliortarneri. Ilaatigut ilulissat pinngortarneri, sermillu nassataasa pinngorneri naatsumik.

Sermeq aakkaangat: Sermeq aakkaangat qanoq pisoqartarpa, tamatumalu immap qaavata inissisimaffianik qanoq sunniuteqartarpa.

Sooq sermeq aattarpa? Silap pissusai allanngortut sermimullu tamatuma qanoq nassataqarnera pillugit. Ilanngullugu naatitsivimmiittuusineq.

Ilisimatuut tumaat atuarlugit: Uani PhD-mik ilinniartut serminik sisoortunik suliaqartut pillugit tusarnaartoqarsinnaavoq.

Sammisassatigut atuartut namminneq toortaasarlutik ilisimasassarsiorput. Aqqutaaniipput ilinniutitut quizzeeqqat, sammisallu ataasiakkaat kingornatigut oqariaatsit atorneqartut naatsumik eqikkarneqarput, kiisalu aamma quizzit, sungiusagassat aammalu klassimi oqallissutissatut apeqqusissanut isumassarsiassat. Oqallissutissatut apeqqutinut maani sungiusarnerit misileraanerillu ataanni ilinniartitsisup quppernerani innersuussutit takukkit.

Saamia’tungaani periarfissani oqaatsinut takussutissiaq takuuk, oqariaatsit sorliit saqqummiussaaneri takusinnaaniarlugit.

Tamakku saniatigut ilinniartitsisumut misileraanerit sungiusarnerillu ataanni quppernermi matumani akissutitalinnik misileraanernut sungiusarnernullu takussutissiaq tamakkiisoq ippoq. Aamma oqallissutigisassanut innersuussutinik nassaarinnissinnaaffiit.

Linkit ataanni annertunipilussuarmik ilisimasanik ilinniartitsinermullu atugassanik itisiliisunik nassaarinnissinnaaffinnik quppernernut linkerpassuaqarpoq. Tulleriiaakkani linkit ilaatinneqartussatut isumaqarfigisatit uatsinnut nassiuteqqunaqaat.
Nittartakkap qupperneranut allanik apeqqutissaqaruit imaluunniit oqaaseqaatissaqaruit attaviginissatsinnut tikilluaqqusaavutit. Pingaarnertut periarfissani uagut pilluta annermik takusassaqarpoq.