Antarktis
Antarktis aamma Kalaallit Nunaat tassaapput nunarsuarmi sumiiffiit ullumikkut sermersuartaqarfiusut. Immaqa Antarktis aamma Qalasersuartut Kujallertut ilisimassavat, Qalasersuarli Kujalleq tassaaginnarpoq Antarktisip qeqqata missaani sumiiffik.
©GEUS
Qalasersuaq qulaanit toqqarlugu nunarsuup isikkua (assilisaq saamerleq), Qalasersuarlu Kujalleq qulaanit toqqarlugu (assilisaq talerperleq). Kalaallit Nunaanni sermersuarmut naleqqiullugu Antarktisip sermersuartaata anginerujussuunera takusinnaavat.
Antarktis Kalaallit Nunaatulli qeqertaaginnanngilaq, tassaavorli nunavissuaq. Antarktisimi sermersuaq 14 millioner km²-uvoq, Kalaallit Nunaata sermersuanut naleqqiullugu arfineq-pingasoriaammik anginerulluni.