Loftslagsbreytingar
Lofslagið er ekki alltaf eins. Eins og þú sást áður þá er lofslagið breytilegt eftir því hvar maður er á jörðinni. Lofslagið á hverjum stað er svo heldur ekki eins á mismunandi tímabilum.
Stórfelldar loftslagbreytingar
Stórfelldar lofslagbreytingar sem við höfum talað um áður eru breytingarnar á milli jökul- og hlýskeiða. Jökulskeiðin verða vegna þess að meðalhitastig á Jörðinni lækkar, þ.e. loftslagið breytist. Jökulskeið varir í u.þ.b. 100 þúsund ár og hlýskeið varir í allt að 30 þúsund ár. Seinasta jökulskeiði lauk fyrir um 12–14 þúsundum árum.
Minniháttar loftslagsbreytingar
Loftslagið getur breyst innan hvers jökul- eða hlýskeiðs, þó með smá breytileika. Á þennan hátt getur hlýskeið haft bæði hlý og köld tímabil. Við skoðum nú tvö dæmi.
Photo taken by Hamish Laird of expeditionsail.com. Public domain.
Myndin sýnir endurbyggða kirkju Norrænna manna á Grænlandi.
Norrænir menn á Grænlandi
Þegar Norrænir menn tóku að setjast að á Grænlandi í kringum árið 1000 var loftslagið nægjanlega hlýtt til að hægt var að rækta korn. Talið er að á miðri fjórtánduöld væri aftur á móti orðið svo kalt að uppskeran brást ár eftir ár og Norrænir menn urðu að yfirgefa Grænland eða deyja drottni sínum.
Litla ísöldin
Kalda tímabilið sem fylgdi hlýindunum á Víkingaöld er kallað litla ísöld. Tímabilið var ekki raunveruleg ísöld en það var þó mjög kalt tímabil. Litla ísöldin varði frá því um 1350 og fram yfir 1900. Í Evrópu voru sérstaklega vetur mun kaldari heldur en þeir eru nú.
“Thames-á frosin”, 1677. Málari: Abraham Hondius.
Málverk af ánni Thames, sem rennur í gegnum London, alveg ísilagðri. Málverkið er frá 1677; í dag myndi Thames ána aldrei leggja alveg.
Loftslagbreytingar af manna völdum.
Hiti í neðri hluta lofthjúpsins hefur hækkað seinustu aldir. CO2 hefur aukist í lofthjúpnum vegna bruna á kolum og olíu og þess vegna hlýnar. Sá bruni eykur gróðurhúsaáhrifin en þau valda hlýnun á Jörðinni.